GróLind

Heildaryfirlit um stöðu gróður- og jarðvegsauðlinda

Þróa sjálfbærnivísa fyrir landnýtingu.

Bryndís Marteinsdóttir um GróLind

Heildaryfirlit um stöðu gróður- og jarðvegsauðlinda fæst með samþættingu á fyrirliggjandi gögnum, nýjum fjarkönnunargögnum, upplýsingaöflun í felti í samstarfi við almenning og neti af mælireitum. Vöktun GróLindar hófst sumarið 2019, en nokkur ár munu líða þar til að hægt er að fá heildarmat yfir auðlindirnar byggt á þeim gögnum. Árið 2020 gefur GróLind út kort sem sýnir stöðumat af ástandi auðlindanna og er unnið upp úr fyrirliggjandi gögnum.

Við þróun einfaldra vísa til að meta sjálfbærni landnýtingar er nauðsynlegt að hafa skilning á áhrifum mismunandi landnýtingar á uppbyggingu og virkni vistkerfa. Í verkefninu er stefnt að því að auka þennan skilning með vöktun á gróður- og jarðvegsauðlindum landsins, safna saman þeirri þekkingu sem þegar er til staðar og auka þekkingu okkar með rannsóknum. Þegar eru hafnar rannsóknir til að m.a. skoða beitaratferli sauðfjár í sumarhögum og fylgjast með því hvort gróður þróist með mismunandi hætti á beittu og friðuðu land.